Wortuhr auf Schweizerdeutsch – Zeit in deinem Dialekt

Designstudio

Probier dini Wortuhr us.

Wähl d Front und d Liechtfarb. D Vorschau zeigt d aktuelli Zit oder e Zit, wo du sälber istellsch.

250 × 250 mm 11 × 10 Buechstabe 110 LED WLAN 2,4 GHz USB-C

Bispiel-Front. Dini Front chunnt i dim Dialäkt.

FrontAlu eloxiert schwarz

LiechtfarbWarmwiss

ZitAktuelli Zit

D Uhr zeigt d Zit i 5-Minute-Schritt.

Dini Front

Dini Wörter. Dis Material.

Jedi Front wird bi öis zuegschnitte. Drum chöi mir se ou so mache, wie du se wotsch.

Alu eloxiert schwarz

Alu eloxiert rosa

Blattgold

Rost

Karbon

Und dis Material?

Mir pröble immer wieder nöii Materialie und Oberflächine us. Hesch e Idee?

Idee mälde

Materialmuster vo de Fronte, wo mir bis jetzt umgsetzt hei. D Oberflächi vo dr echte Front cha abwiiche. Fotos vo de fertige Fronte folge.

Dialäkt

Redt wie du

Solothurnerdütsch, Bärndütsch, Baseldütsch oder öppis ganz anders: Mir passe d Wörter a di Dialäkt a. Sogar d Füllbuechstabe chöi öppis bedüte, zum Bispiel dini Initiale.

Sprüch

Meh als nume Zit

D Uhr cha ou Sprüch zeige, zum Bispiel ES ESCH BIER ZYT am Fritig zum Fürobe. Du bestimmsch, wenn und wie hüfig.

Material & Schrift

Spezialwönsch willkomme

Alu eloxiert i Schwarz oder Rosa, Blattgold, Rost oder Karbon, derzue verschideni Schrifte. Hesch e spezielle Wunsch oder es bsundrigs Material im Chopf? Mir luege gärn, was möglich isch.

Uswächselbar

E nöii Front i Sekunde

D Front hebt mit Magnete. Wotsch e nöie Dialäkt, en anderi Farb oder es Gschänk-Motiv, wächslisch eifach d Front. Uf dr Rücksite vo jeder Front isch e QR-Code: einisch mit em Handy scanne, und d Uhr weiss, was druf stoht.

Nahaufnahme vo dr schwarze Front: ES ESCH ZWÄNZG AB lüchtet blau dur di usegschnittene Buechstabe — Front Alu schwarz, Liechtfarb Blau.

Bi dir dehei

So chönnt si bi dir usgseh.

Am Tag e ruhigi Flächi us Metall. Am Obe lüchte nume d Wörter, wo grad zelle.

Wortuhr mit Ständer uf eme Tisch, Wörter lüchte blau

Di glichi Wortuhr, Wörter lüchte violett

A d Wand oder mit Ständer uf e Tisch. D Liechtfarb wählsch du.

WLAN & Istellige

Istelle übers Handy.

Kei App, kes Konto. D Uhr bringt ihri eigeti Website mit: Du verbindisch di mit em Handy und stellsch alles im Browser i.

Zit

Goht immer richtig

Im WLAN holt sech d Uhr d Zit sälber, Sommer- und Winterzit inklusiv. Ohni WLAN louft si mit ihrer eigete, batteriegstützte Uhr witer.
Liecht

Farb und Häligkeit nach dim Gusto

LED-Farb, Wortfarbe und Übergäng stellsch im Browser i. Am Obe wird d Uhr vo sälber dönkler, i dr Nacht cha si ganz still si.
Updates

Lehrt nöii Sache

Nöii Funktione chöme übers WLAN uf dini Uhr. So profitiersch ou spöter no vo däm, wo mir witerentwickle.

So stellsch d Wortuhr übers Handy i.

Hinter dr Wortuhr

Entwicklet und zämebout i dr Schwiz.

D Wortuhr isch es Projekt vo Benny. D Elektronik, s Gehäuse und d Software sind sälber entwicklet, und jedi Uhr wird vo Hand zämebout.

Mir boue i chline Serie und lose genau zue, was ihr öis zrüggmäldet. Nöii Funktione bechunnt dini Uhr per Update. Und guete Idee für Fronte und Sprüch setze mir gärn um, ou für Uhre, wo scho a dr Wand hange.

Elektronik

Eigeti Platine

LED-Platine mit 110 LED und e Stüürig mit ESP32, beidi sälber entwicklet.

Front

Us Metall gschnitte

D Front wird wassergstrahlt. Jede Buechstabe isch usegschnitte, s Liecht chunnt vo hinde.

Montage

Vo Hand zämebout

S Gehäuse chunnt us em 3D-Drucker. Zämebout wird jedi Uhr einzeln, vo Hand.

Dini Uhr wachst mit. Dini Idee ou.

Zit, so wi du se wetsch.